Tribuna İnformasiya Agentliyi

Lukaşenkodan Qarabağla bağlı yeni təklif

28 Mart

İnsanlar öləndə, yoxsulluq içində yaşayanda siyasətdə bu kartdan istifadə etmək olmaz.  

İnsanlar öləndə, yoxsulluq içində yaşayanda siyasətdə bu kartdan istifadə etmək olmaz. 

Dünyadakı bütün münaqişəli məsələlər üzrə sarsılmaz mövqeyimiz belədir. İstər Ukrayna olsun, istər Dağlıq Qarabağ, istərsə də Dnestryanı.

Report xəbər verir ki, bunu Belarus Prezidenti Aleksandr Lukaşenko ölkəsindəki diplomatik fəaliyyətini başa vuran Ermənistanın səfiri Armen Xaçatryan ilə görüşündə deyib.

Belarus prezidenti vasitəçilərə nifrət etdiyini açıq şəkildə bildirib: “Çünki prezident olduğum müddətdə onlar Belarus ətrafında da fırlanırlar – gah sülhməramlılar, gah vasitəçilər kimi, gah Avropa İttifaqı, gah da başqa təşkilatla. Axı biz onlar olmadan da Avropa İttifaqı, digər dövlətlər və s. ilə yaxşı yola gedirik”.

“Ermənistan və Azərbaycan heç bir vasitəçi olmadan danışıqlar masasına əyləşməli və problemi həll etməlidir. Onlar kimisə zəmanətçi kimi görmək istəsələr, özləri buna qərar verməlidirlər. Bu gün məsələni məhz bu yolla həll etmək imkanı var” – A.Lukaşenko bildirib.