Polşanın “Lex” klubu Çempionlar Liqasının I təsnifat mərhələsində “Qarabağ”la oyun üçün Bakıya yola düşüb.
Con van den Bromun başçılıq etdiyi kollektiv artıq Polşanı tərk edib.Bakıya uçuşun təxminən 4,5 saat çəkməsi gözlənilir. Bu gün saat 19:00-da Tofiq Bəhramov adına Respublika Stadionunda komandanın oyunöncəsi son məşqi olacaq.
Qeyd edək ki, sabah keçiriləcək “Qarabağ” – “Lex” görüşü saat 20:00-da başlayacaq. Komandalar arasında Poznandakı ik matçda ev sahibləri 1:0 hesablı qələbə qazanıb.
