“Əvvəla sosial verilişi açıb izləsinlər. Görsünlər mən orada nə demişəm. Rayondan gələn xanım öz ailəsini və 2 qızını həyat yoldaşının üstünə atıb, üstəlik məktub da yazıb ki, uşaqlarıma yaxşı baxın. Məni axtarmayın. İmkan verin həyatımı rahat yaşayım. Bundan sonra Bakıya üz tutub. Həyat yoldaşı və qayınanası onu çox axtardıqdan sonra sosial verilişə üz tutublar. Burada efirdə də xanımın şəklini göstəriblər. Onun Xırdalan, Sulutəpə, Masazır ərazisində ucuz kafelərdən birində işə düzəldiyi üzə çıxıb”.
TİA.AZ BAKU.WS-yə istinadla xəbər verir ki, bu sözləri aktrisa Sonaxanım Əliyeva deyib.
O, bir həftə əvvəl aparıcı Amil Xəlilin “Gəl, danış” verilişində rayonlularla bağlı səsləndirdiyi fikirlərinə aydınlıq gətirib.
Aktrisa bu sözləri söyləyərkən bütün rayon sakinlərini nəzərdə tutmadığını, Bakıya gələn bekar, işsiz-gücsüz gənclərdən danışdığını bildirb:
“Mən də deməyi özümə borc bildim. Nə oldu? Bunu hamı deyir. Bir tək məmin sözüm daş-qalaq oldu? Mən başımı o dərəcədə itirməmişəm, dediyim sözlərə də cavabdehəm. Mən bölgələrdə yaşayan cavanlara səsləndim. Onu da dedim ki, hamıya şamil etmirəm. Hamınız sosial verilişləri izləyirsiniz. Gənc ailələrdən kimisi həyat yoldaşını, kimisi ərini, üstəlik uşaqlarını da atır və birbaşa Bakıya üz tutur. Heç bir işi, peşəsi də yoxdur. Üstəlik burada heç bir qohum-əqrabası da yaşamır. Deyir elə “Salam-Əleykum, mən Bakıda qalmaq istəyirəm” Mən onalara səsləndim”.
Xatırladaq ki, aktrisa sosial verilişdə qonaq olarkən rayonlardan Bakıya axın edən gənclərin çoxaldığını, bu səbəbdən də artıq şəhərdə nəfəs ala bilmədiyini vurğulayıb. S. Əliyeva bu sözləri uzun müddət müzakirələrə səbəb olmuşdu.
