“Kasıb da, ortabab da krallara məxsus toy etməməlidir”backend

“Kasıb da, ortabab da krallara məxsus toy etməməlidir”

  • whatsapp
  • messenger
  • telegram
  • vkontakte
  • odnoklassniki
“Kasıb da, ortabab yaşayan da krallara məxsus toy etməməlidir”.
Bu sözləri AZXEBER.COM-a açıqlamasında kulturoloq Aydın Xan Əbilov deyib.
O, bildirib ki, toy edənlər çalışmalıdır ki, minimal vəsaitlərlə məclis qursunlar:
“Toy təkcə bir nəfərin nikahı, iki nəsili birləşdirən adət-ənənə deyil. Toy həm də böyük mənada sosial, iqtisadi, mədəni hadisədir. Belə bir hadisə olduğuna görə istər-istəməz onun ətrafında da müxtlif hadisələr baş verə bilər. Toyun iqtisadi tərəfi isə bizi hər zaman maraqlandırır. İllərdir ki, biz islahatlarla bağlı təkliflərimizi verirdik. İsrafçılığın çox olduğunu, 20-dən çox təamın təqdim olunmasına ehtiyac olmadığını qeyd edirik. Buna sərf olunan vəsaiti cəmiyyətin digər problemlərinə sərf etmək daha yaxşı olar.
Kulturoloq qeyd edib ki, pandemiyadan sonra vəziyyət çox dəyişməyib:
“Pandemiya insanları və rəsmi qurumları məcbur etdi ki, toyları bu cəhətdən bir az formata salsınlar. Amma yenə də narazılıqlar var, bildiyiniz kimi, 50 və 150 nəfərlik toylar təklif olunur və bu toylar keçirilən zaman şadlıq evləri məcburdurlar ki, qiymətləri qaldırsınlar. Belə olan halda da sifarişçilər məcburən hər hansı formada bunun qarşılığını verməyə çalışırlar. Bu da yenə də əvvəlki kimi israfçılığa, vəsaitin göyə sovrulmasına səbəb olur. Amma onu da deyim ki, insanlara azadlıq da vermək lazımdır. Elə şəxslər var ki, onların pulu çoxdur, onlara istədiyi kimi toy etməyə şərait yaratmaq lazımdır. Amma hər kəs, yəni kasıbı da, ortababı da krallara məxsus toy etməməlidir. Hər kəs öz yorğanına görə ayağını uzatmalıdır. Çalışmaq lazımdır ki, minimal vəsaitlərlə məclis qursunlar”.