Kanada Rusiyaya qarşı sanksiya siyahısına daha 15 nəfərin adlarını əlavə edib.
TİA.AZ xəbər verir ki, “RİA Novosti” bu barədə Kanada hökumətinə istinadən məlumat yayıb.
Bildirilir ki, sanksiya tətbiq olunanların siyahısına Rusiya Müdafiə Nazirliyinin rəsmi nümayəndəsi İqor Konaşenkov, Rusiya Silahlı Qüvvələri Baş Qərargahının komanda məntəqəsinin rəisi Mixail Mizintsev, Rusiyanı iqtisadi inkişaf naziri Maksim Reşetnikov da var.
Qeyd edək ki, bir müddət əvvəl Kanada hökuməti Rusiyanın 10 rəsmisinə, o cümlədən Rusiya Prezidentinin mətbuat katibi Dmitri Peskova sanksiya tətbiq etmişdi.
