Çeçenistan Respublikasının rəhbəri Ramzan Kadırov etiraf edib ki, Ukraynaya hücumda iştirak edən çeçenlər arasında itkilər olub.
Qaynarinfo xəbər verir ki, o, bu barədə özünün Telegram səhifəsində məlumat verib.
“Çeçenistan Respublikasının yerli sakinləri arasında artıq itkilər var. İki nəfər ölüb, daha altı nəfər müxtəlif dərəcəli xəsarət alıb”, deyə Çeçenistan rəhbəri yazıb.
Xatırladaq ki, bundan əvvəl Kiyevdə “Cəsur Ukrayna hərbi kəşfiyyatçıları” qrupunun döyüşçüləri təhlükəli Kadırov diversant qrupunu zərərsizləşdiriblər. “Kiyevdəki cəsur Ukrayna hərbi kəşfiyyatçıları (GUR MOU) təcili yardım maşınında Kiyev ətrafında hərəkət edən bir qrup çeçen diversantı atəşə tutaraq qarşılarını alıblar”, – Anton Geraşenko yazıb.
