Tribuna İnformasiya Agentliyi

İspaniyanı şoka salan görüntülər (VİDEO)

09 Yanvar
İspaniya La Liqasının XIII turunda baş tutan “Eybar” – “Real” oyunu ilə bağlı şok görüntü yayılıb.
Qaynarinfo xəbər verir ki, videonu Madrid klubu yayımlayıb.
Videoda “Real”ın klubunun məğlub olduğu (0:3) qarşılaşma zamanı videotəkrara baxan referilərin “Eybar”ın qoluna sevindiyi görünür. VAR hakimi Manuel Monteronun sevincini yanındakı həmkarları ilə bölüşdüyü görünür.
Maraqlıdı ki, sözügedən oyunda VAR hakimi olan  Manuel Montero La Liqanın 18-ci turunda “Real” – “Real Sosyedad” (0:2) görüşündə də iş başında olub. Həmin matçda isə “Real”ın iki penaltisi verilməyib.
Klub rəhbərliyi Manuel Monteronun onlara qarşı qərəzli olduğunu iddia edərək, İspaniya Futbol Federasiyasına bununla bağlı şikayət ünvanlayıb.
Qeyd edək ki, “Real” 18 turdan sonra 30 xalla turnir cədvəlinin 5-ci pilləsində qərarlaşıb.