İşçiləri Rəşad Əhmədovu məhkəməyə verdi – 115 minlik iddiabackend

İşçiləri Rəşad Əhmədovu məhkəməyə verdi – 115 minlik iddia

  • whatsapp
  • messenger
  • telegram
  • vkontakte
  • odnoklassniki
İcbari Sığorta Bürosunun direktoru Rəşad Əhmədov məhkəməyə verilib.
 
Bakupost.az xəbər verir ki, büronun bir neçə əməkdaşı əmək haqlarının verilməməsi, əmək müqaviləsində nəzərdə tutulmayan işlərə cəlb edilmələri və maddi-mənəvi zərər dəyməsi iddiaları ilə Yasamal Rayon Məhkəməsinə müraciət ediblər.
İddiaçılardan biri – Mənsur Qəmbərov saytımıza açıqlamasında İcbari Sığorta Bürosunun Ümumi Şöbəsində çalışdığını bildirib. Rəşad Əhmədov onu nəzarətində olan başqa işlərə də cəlb edib, müqabilində əlavə maaş verəcəyini desə də, bunu etməyib:
“Bildiyimiz kimi, 2020-ci ildə “Standart İnsurance”sığorta şirkətinə verilmiş lisenziya ləğv edilib. İcbari Sığorta Bürosunun direktoru Rəşad Əhmədov eyni zamanda ləğvetmə prosesini həyata keçirən komissiyanın sədri təyin edilib.
Elman Rüstəmov və Rəşad Əhmədov – Milyonları mənimsəmə mexanizmi – ŞOK FAKTLAR
Bəllidir ki, bu prosesə vəsait ayrılıb. Rəşad Əhmədov isə bu vəsaiti tam şəkildə özü mənimsəyərək, ləğvetmə prosesindəki işləri İcbari Sığorta Bürosunun əməkdaşlarına gördürür. Bu əməkdaşlardan biri də mənəm. Ləğvetmə komissiyasına sədr təyin edildikdən sonra məni və bir neçə iş yoldaşımı çağırıb bildirdi ki, siz İcbari Sığorta Bürosundakı işinizlə yanaşı “Standart İnsurance” sığorta şirkətinin ləğv edilməsi ilə məşğul olacaqsınız. Buna görə bizə əlavə maaş veriləcəyini dedi. Amma sonra bu, baş vermədi. Hər dəfə dedi ki, növbəti ay hamısı ödəniləcək. Amma bizi aldatdı. Haqqımızı tələb etdikdə isə hədələdi, təhqir etdi”.
İndi qurumun əməkdaşları haqlarının bərpası üçün məhkəməyə müraciət ediblər. İşə Yasamal Rayon Məhkəməsinin hakimi Toğrul Axundovun sədrliyi ilə baxılacaq.
Məhkəməyə müraciət edən şəxslərin ikisinin tələb etdiyi məbləğ məlumdur. Onlar verilməyən 15400 manat əmək haqlarını, dəymiş mənəvi zərərə görə isə 100 min manat tələb edirlər.
 
İcbari Sığorta Bürosunda nələr baş verir? – Hərrac oyunları, korrupsiya...  - FAKTLAR