“İndiyə qədər heç bir ödəniş olunmayıb, süründürməçiliyə məruz qalmışam…” – GİLEYbackend

“İndiyə qədər heç bir ödəniş olunmayıb, süründürməçiliyə məruz qalmışam…” – GİLEY

  • whatsapp
  • messenger
  • telegram
  • vkontakte
  • odnoklassniki

TİA.AZ-ın məlumatına görə, Göyçay rayonu Cəyirli kənd sakini Cəbrayılov Ceyhun Zeynəddin oğlu “Hurriyyet”ə müraciət edərək bildirir ki, 2021-ci il 13 noyabr tarixində baş vermiş qəzadan sonra avtomobilinə ciddi ziyan dəyib. Şikayətçi bildirir ki, Göyçay Rayon Polis Şöbəsinin Yol Patrul Xidməti tərəfindən aparılan araşdırma nəticəsində qanuna müvafiq qərar qəbul olunmuşdur. Hadisəni törədən İsmayılov Vüsal Polad oğluna məxsus “mercedes” markalı avtomobil Azərbaycan Sənaye Sığorta Şirkəti tərəfindən sığorta olunmuşdur. Buna baxmayaraq Azərbaycan Sənaye Sığorta Şirkəti Ceyhun Cəbrayılova dəymiş zərəri tam ödəmək istəmir:

“Sənaye Sığorta şirkəti vəzifə səlahiyyətlərindən sui-istifadə edib mənə qarşı qanunsuzluq edir ki, nəticədə də süründürməçiliyə məruz qalmışam.

Belə ki, 13 noyabr 2021-ci il tarixdə tarixdə təxminən saat 10-30 radələridnə Göyçay rayonunun Cəyirli kənd ərazisində avtomobil qəzası baş vermişdir.Nəticədə mənə məxsus 90 EF 045 nömrəli Vaz-21723 markalı avtomobilim əzilərək ziyan dəymişdir. Bu barədə Göyçay Rayon Polis Şöbəsinin Yol Patrul Xidməti tərəfindən aparılan araşdırma nəticəsində qanuna müvafiq qərar qəbul olunmuşdur. Hadisəni törədən İsmayılov Vüsal Polad oğluna məxsus 99 MB 628 nömrəli “MERSEDES BENZ” C180 markalı avtomobil Azərbaycan Sənaye Sığorta Şirkəti tərəfindən sığorta olunmuşdur.

Azərbaycan Sənaye Sığorta şirkəti mənə dəymiş zərəri tam ödəmək istəmir məni süründürməçiliyə məruz qoyub. Hansı ki, qəza nəticəsində mənim avtomobilimə dəymiş zərəri müstəqil ekspert hesablayıb rəy vermişdir.

Buna görə mənə dəymiş 1592 manat zərəri Azərbaycan Sənaye Sığorta Şirkəti ödəməlidir. Ancaq Azərbaycan Sənaye Sığorta şirkəti mənə həmin məbləğin yarısını ödəmək istəyir və bunu onunla əsaslandırır ki, qəzanın baş verməsində təqsirinin yarısı Vüsal İsmayılovdadır yarısı isə səndədir.

Mən isə onlara izah edirəm ki, hadisə yerində Göyçay Rayon Polis Şöbəsinin Yol Patrul Xidmətinin əməkdaşları olaraq araşdırma ölçü baxış işləri aparıblar.Göyçay RPŞ-nin YPX-nin 13.11.2021-ci il tarixli TP 4710118 nömrəli qərarı ilə 99 MB 628 nömrəli “MERSEDES BENZ” C180 markalı avtomobili idarə edən İsmayılov Vüsal Polad oğlunun 13.11.2021-ci il tarixdə avtomobil qəzası törətməklə Azərbaycan Respublikası İnzibati Xətalar Məcəlləsinin 127.1-ci maddəsinin tərkibini yaradan inzibati xəta törətməsi müəyyən olunmuşdur.Göyçay RPŞ-nin YPX-nin 13.11.2021-ci il tarixli qərarı ilə təsdiq olunub ki, qəza mənim yox qarşı tərəfin təqsiri nəticəsində baş verib.Buna görə Azərbaycan Sənaye Sığorta şirkəti avtomobil qəzası nəticəsində mənə dəymiş 1592 manat zərəri tam ödəməlidir.

Mən buna dair bütün zəruri sənədlər Azərbaycan Sənaye Sığorta şirkətinə təqdim etmişəm.Ancaq indiyə qədər heç bir ödəniş olunmayıb süründürməçiliyə məruz qalmışam.

Mən mətbuat vasitəsi ilə Azərbaycan Respubliaksının vətəndaşlarına müraciət edirəm ki, Azərbaycan Sənaye Sığorta şirkətinə etibar və müraciət etməyin orada əmlakınızı avtomobilinizi sığorta etdirməyin əks halda mənim kimi süründürməçiliyə məruz qalacaqsınız.Bu sığorta şirkətinin mənə qarşı saxtakarlıq qanunsuzluq etməsi sənədlərlə swbut olunub.Bu sığorta şirkəti reklamdakı kimi şəffaf etibarlı və dəqiq deyil hamısı yalandır.

Mən Prezident cənab İlham Əliyevdən, İqtisadiyyat Naziri cənab Mikayıl Cabbarovdan, Azərbaycan Respublikasının Maliyyə Monitorinqi Xidmətinin sədri cənab Rövşən Nəcəfovdan xahiş edirəm şikayət ərizəmi mənim iştirakımla araşdırıb avtomobil qəzası nəticəsində mənə dəymiş 1592 manat zərərin Azərbaycan Sənaye Sığorta şirkəti tərəfindən ödənilməsini təmin edəsiniz və süründürməçilik yaratmış Azərbaycan Sənaye Sığorta şirkətinin rəhbərliyi barəsində qanuna müvafiq tədbirlər görəsiniz”.