İlham Əliyev: “Artıq onun başından elə vurmuşuq ki, ayıla bilmir”backend

İlham Əliyev: “Artıq onun başından elə vurmuşuq ki, ayıla bilmir”

“Mən göstəriş vermişəm ki, Azərbaycan ordusu təmkinlə hərəkət etsin, təxribata uymasın. Mənim mövqeyim xalqıma bəllidir. Bu məsələ öz həllini ya hərb, ya da sülh yolu ilə tapmalıdır”.

Bunu Ali Baş Komandan, Azərbaycan Respublikasının Prezidenti İlham Əliyev xalqa müraciətində bildirib.

Prezident qeyd edib ki, məsələnin sülh yolu ilə həlli üçün Ermənistan işğal altında olan torpaqlardan çıxmalıdır:

“Bizə konkret cədvəl verilməlidir ki, Ermənistan neçə günə hansı torpaqlardan çıxmalıdır. Bizdə dəqiq məlumat var ki, Ermənistan döyüş meydanında artıq bizim qarşımızda diz çöküb. Sadəcə olaraq, atəşkəsdən istifadə edib öz qüvvələrini yenə də səfərbər etmək, silahlanmaq istəyir və bizə qarşı yeni işğalçılıq siyasəti aparmaq istəyir”.

İ.Əliyev vurğulayıb ki, son bir ay ərzində Ermənistana kütləvi surətdə silahlar göndərilir:

“Bütün siyahılar bizdə var. Nə vaxt hansı təyyarənin haraya gəlməsi, nəyi haraya boşaltması barədə məlumat var. Atəşkəsi istəyən niyə Ermənistana silah göndərir? Axı Ermənistan diz çöküb.

Artıq onun başından elə vurmuşuq ki, ayıla bilmir. Cıdır düzündə sərxoş vəziyyətdə rəqs edən, özünü böyük sərkərdə kimi aparan Ermənistanın baş naziri indi onun-bunun ayağının altına yıxılıb kömək istəyir, imdad diləyir.

Özünü, xalqını alçaldır. Silah verməyin, bu məsələni qurtaraq. Bizə heç kim silah vermir. İki gündən sonra yalvara-yalvara gələcək. Bir tərəfdən atəşkəs deyilir, digər tərəfdən onlara silah göndərilir. Biz buna səssizmi qalacağıq?

Azərbaycan xalqı hər şeyi bilməlidir. Mən prezident kimi 17 il ərzində xalqa həqiqəti demişəm. Bu gün də məlumat verirəm. Bütün dünyaya deyirəm ki, Ermənistanı xilas etmək istəyirsinizsə, deyin ki, dərhal torpaqlarımızdan çıxsın, rədd olsun.

Şuşada Cıdır düzündə sərxoş vəziyyətdə oynayan təlxək çıxmasını bəyan etsin ki, çıxıram. Yoxsa beş-altı dəfə dünya liderinə zəng etməklə məsələ düzəlməz”

  • whatsapp
  • messenger
  • telegram
  • vkontakte
  • odnoklassniki