Tribuna İnformasiya Agentliyi

Hövsanda 5-ci sinif şagirdi qaçırılıb?

10 Oktyabr
Dünən Hövsanda 5-ci sinif şagirdinin qaçırılması ilə bağlı sosial şəbəkələrdə yayılan məlumatlar valideynlər arasında təşvişə səbəb olub.
TİA.AZ “Qafqazinfo”ya istinadən xəbər verir ki, məlumatda qız uşağının 281 nömrəli tam orta məktəbin giriş qapısında dəmiryığanlar tərəfindən qaçırıldığı iddia olunub.
Hadisə ilə bağlı sözügedən məktəblə əlaqə saxlanılıb. Məktəbdən bildirilib ki, yayılmış informasiya tamamilə yanlışdır:
“Dünən nəinki bizim məktəbin qarşısında, ümumiyyətlə, Hövsanda belə bir hadisə baş verməyib. Yayılmış informasiya ilə bağlı aidiyyatı qurumlara məlumat vermişik”.