UFC üzrə rusiyalı çempion Həbib Nurmaqomedov koronavirusla bağlı yaranmış vəziyyətə görə ABŞ-dan Rusiyaya qayıdıb.
TİA.AZ TASS-a istinadən xəbər verir ki, bu barədə idmançının meneceri Rizvan Maqomedov məlumat verib.
Onun sözlərinə görə, Həbibin Toni Ferqyusona qarşı duelə hazırlaşdığı idman zalı koronavirusla əlaqədar yerli hakimiyyət tərəfindən bağlanıb: “Hazırda idmançı və komandası vətənə dönüb”.
Qeyd edək ki, bir qədər əvvəl Nurmaqomedovla Ferqyuson arasında planlaşdırılan döyüşün ABŞ-da olmayacağı ehtimal edilirdi. Eyni zamanda qarşılaşmanın keçiriləcəyi mümkün məkanlardan biri kimi Rusiyanın adı hallandırılırdı.
