access_time Dərc olunub: 13:02
Fabreqas: "Qrup mərhələsinin sonunda qolları saya bilməyəcəksiniz"

Yaxşı oynadıq və gözəl nəticə əldə etdik.

TİA.AZ apasport.az-a istinadən xəbər verir ki, bu sözləri "Çelsi"nin yarımmüdafiəçisi Sesk Fabreqas deyib.

London klubu Çempionlar Liqasının qrup mərhələsinin ilk turunda "Qarabağ" üzərində böyükhesablı qələbə qazanıb - 6:0.

Matçı dəyərləndirən "zadəganlar"ın ispaniyalı futbolçusu komandasının çıxışından razılıq bildirib: "Heyətimizdə 5 dəyişiklik edilmişdi. Bizim 21 gün ərzində 7 oyunumuz var. Bu, çox çətin perioddu. Ötən mövsüm buna adət etməmişdik. Çünki Çempionlar Liqasında yox idik. Bu gün bütün futbolçular yaxşı oynadılar. Əlimizdən gələnin ən yaxşısını etdik. Qrup mərhələsinin sonunda qolları saya bilməyəcəksiniz".

Şərhlər