Tribuna İnformasiya Agentliyi

Həyat yoldaşının videosunu yayan kişinin aqibəti necə olacaq? – Dövlət Komitəsi münasibət bildirdi

01 Dekabr

Ailə, Qadın və Uşaq Problemləri üzrə Dövlət Komitəsi Bakıda kişinin həyat yoldaşının saçını qırxaraq foto və videosunu sosial şəbəkələrdə yaymasına münasibət bildirib.

TİA.AZ  bildirir ki, Report-un sorğusuna cavab olaraq Dövlət Komitəsindən bildirilib ki, hadisədən xəbərdardırlar.

“Ailə, Qadın və Uşaq Problemləri üzrə Dövlət Komitəsinin hadisədən xəbəri var. Məsələ nəzarətimizdədir. Həmin məsələ ilə bağlı, yaşayış yeri üzrə Monitorinq Komissiyası tərəfindən iş aparılır”, – Dövlət Komitəsindən vurğulanıb.

Qeyd edək ki, sosial şəbəkələrdə əri tərəfindən saçı qırxılan gənc qadının foto və videosu yayılıb. Videodan görünür ki, kişi həyat yoldaşının saçını qırxıb, sonra isə onu videoya çəkib. Hələlik adı və soyadı məlum olmayan kişi bunu xəyanətə görə etdiyini iddia edir. Videonun həyat yoldaşının saçını qırxan kişinin özünün yaydığı bildirilir.

Gənc qadının kimliyi məlum deyil.