Fransa Müdafiə Nazirliyi əsas məqsədi pilotsuz aparatlara qarşı mübarizə olan HELMA-P lazer hava hücumundan müdafiə sistemini uğurla sınaqdan keçirib.
TİA.AZ xəbər verir ki, rəsmilər 2023-cü ildə Fransada keçiriləcək Reqbi Dünya Kuboku və gələn il Parisdə keçiriləcək Yay Olimpiya Oyunları ərəfəsində pilotsuz aparatlarda enerjini kəsən sistemlər işə salacağına ümid etdiklərini bildiriblər.
Testlər çərşənbə günü Fransanın cənub-qərbində, çoxməqsədli istifadə üçün yüksək enerjili lazerdən (HELMA-P) istifadə olunan bir ordu poliqonunda baş tutub. Yaradıcısı “Compagnie Industrielle des Lasers” (CILAS) olan bu silah mükəmməlləşdirilib və artıq cihaz üç kilometrə qədər yüksəklikdə olan pilotsuz təyyarələri aşkar edərək müəyyənləşdirə və bir kilometr uzaqlıqda göydə partlatmağa qadirdir.
HELMA-P-nin inkişafı Fransa üçün yalnız müdafiə baxımından deyil, həm də texniki etibarlılığı baxımından əhəmiyyətlidir. İnkişaf etmiş pilotsuz müdafiə prototipi Avropadakı yeganə modeldir; ABŞ və İsrail oxşar inkişaf etmiş texnologiyalar üzərində çalışdıqları bilinən digər ölkələrdir. Səlahiyyətlilər silahın əsas güclü cəhətlərindən biri kimi, aşkar olunan pilotsuz təyyarənin növünün aşkarlanmasını və aktiv təhlükə kimi potensialının analizinin dəqiqliyini artıran ağıllı tətbiqetmələrə malik olduğunu söyləyib.
