“Fitch” reytinq agentliyi Rusiyanın rublla avrobondlar üzrə kupon ödənişlərini defolt hesab edəcəyini bəyan edib.
TİA.AZ bu barədə Reuters-ə istinadla xəbər verir.
“Martın 16-da ödəniləcək Rusiya avrobond kuponlarının yerli valyutada ödənilməsi 30 günlük güzəşt müddəti başa çatdıqdan sonra suveren defolt hesab olunacaq”, – Fitch-in bəyanatında deyilir.
“Fitch” qeyd edir ki, ödəniş rublla aparılarsa, müvafiq buraxılışın reytinqləri “D” səviyyəsinə endiriləcək.
Rusiya Federasiyasının xarici valyutada uzunmüddətli emitentin defolt reytinqi isə kupon ödənişləri 30 günlük güzəşt dövrünün sonuna qədər dollarla edilmədikdə “RD” (məhdud defolt) elan ediləcək.
Xatırladaq ki, Rusiya Federasiyasının və onun şirkətlərinin xarici borcu 150 milyard dollara çatır və hələ çərşənbə günü o üzrə defolt elan oluna bilər. Bu yaxınlarda dünyanın ən böyük iqtisadiyyatlarından biri olan ölkədə hadisələrin necə baş verə biləcəyi ilə bağlı üç ssenari var.
