ƏTİN BAHALAŞMA SƏBƏBLƏRİ:ÖRÜŞ YERLƏRİ,DİZELİN QİYMƏTİ,İNFLYASİYAbackend

ƏTİN BAHALAŞMA SƏBƏBLƏRİ:ÖRÜŞ YERLƏRİ,DİZELİN QİYMƏTİ,İNFLYASİYA

  • whatsapp
  • messenger
  • telegram
  • vkontakte
  • odnoklassniki

“Ət niyə bahalaşmasın ki?! 5-6 il öncə ictimai çıxışlarda ətin qiymətinin qalxacağını, bunun səbəblərini söyləmişdik , o zaman ət 7-8 manat idi”.
TİA.Az xəbər verir ki, iqtisadçı Natiq Cəfərli belə yazıb. Onun sözlərinə görə, səbəblər məlumdur: “Hökumətin plansız pambıq sevdası örüş yerlərini, yem bazasını azaltdı, ilin əvvəlində hökumət dizelin qiymətinin 34% artırmaqla aqrar sektorda dalğavari qiymət artımına strat verdi, yem qiymətləri 40-50% civarında bahalaşıb, yazıq fermer necə qiymət artırmasın.


Ümumiyyətlə, ölkədə qiymətlər kəskin artır, inflyasiya sürətlənir, fermerlərin, ət istehsalçılarının gündəlik xərcləri artır, onlar da qiyməti qaldırmalı idilər ki, öz gündəlik xərclərini ödəsinlər.
Toyların bərpası, bayramlar təlabatı artırmağa başladı ki, bu da qiymətin bahalaşmasına təsir edən səbəblərdən biri oldu. Belə iqtisadi və idarəetmə modeli ilə qiymətlər daim artacaq, yeni sistemə keçid baş verməsə, bunun qarşısını almaq mümkünsüz olacaq”.

TİA.Az