Əfqanıstanda 20 il sonra paytaxt Kabili ələ keçirən “Taliban dövrü” başlayıb.
Dünən gecə Taliban qurucularından olan Əbdül-Qani Baradar və nümayəndə heyəti illər sonra ölkəyə qayıdıb. Bəs, Əbdül-Qani Baradar kimdir?
TİA.AZ “Taliban” liderinin dosyesindən qısa xülasələri təqdim edir:
“Taliban” qurucularından biri hesab olunan 53 yaşlı Baradarın ölkənin yeni lideri olacağı gözlənilir. “Taliban”ın yaydığı xəbərdə Əbdül-Qani Baradarın Qətərdən gəldiyi bildirilib.
Qəndəharda böyüyən Baradar 1996-2001-ci illərdə ölkəni idarə edən “Taliban”da fərqli vəzifələrdə çalışıb.
ABŞ-ın müdaxiləsindən sonra qaçan Baradar daha sonra Pakistanda həbs edilib. Üç il əvvəl sərbəst buraxılan Baradar o dövrdən Qətərin paytaxtı Dohada yaşayıb.
Qeyd edək ki, Baradarın yaxın zamanda Əfqanıstanın Prezidenti olacağı gözlənilir.
