Föqvəladə Hallar naziri Kəmaləddin Heydərova məxsus olduğu bildirilən “Gilan Holding” MMC növbəti dəfə məhkəməyə verilib.
Qaynarinfo xəbər verir ki, bu dəfə MMC barədə məhkəmə iddiasını xarici vətəndaş qaldırıb. Conston Qrame Çaherles (Johnston Graeme Charles) adlı həmin şəxsin iddiasında holdinqin onun maaşını verməməsi qeyd edilir və məhkəmədən əmək haqqının verilməsinin təmin olunmasını tələb edir.
Açıq mənbələrdə də “Gilan Holding” MMC ilə xarici vətəndaşın arasındakı məhkəmə çəkişməsinin səbəbi olaraq əmək haqqının tələb edilməsi göstərilir.
“Gilan Holding” MMC-nin Conston Qrame Çaherlesə nə qədər borclu olduğu bəlli deyil. Açıq mənbələrdə bu barədə hər hansı qeyd yoxdur.
