Estoniya, Litva, Latviya və Polşa sentyabrın 19-da saat 00:00-dan etibarən rusların ölkəyə buraxılmasını dayandırıb.
Tia.az xəbər verir ki, bu barədə Estoniya hökumətinin rəsmi saytı bəyanat paylaşıb. Bəyanatda bildirilir ki, Estoniya , Litva , Latviya və Polşa rusların, o cümlədən üçüncü ölkələr tərəfindən verilmiş Şengen vizası olanların ölkəyə girişini qadağan edib.
“Biz Latviya, Litva və Polşa ilə birlikdə ictimai asayişi və təhlükəsizliyi qorumaq məqsədilə Rusiya vətəndaşları üçün turizmə ümumi məhdudiyyətlər tətbiq etmək qərarına gəldik. AB -nin sərhəd dövlətləri olaraq biz Avropanın təhlükəsizliyini təmin etməliyik” deyə bəyanatda bildirilir.
Sentyabrın 19-u Bazar ertəsi saat 00:00-dan etibarən qüvvəyə minən məhdudiyyətlərə əsasən, yerli səyahətçilər turizm məqsədi ilə artıq dörd Avropa ölkəsinə buraxılmır. Qeyd olunur ki, ölkəyə giriş qadağası bütün vətəndaşlara şamil edilmir.
