“Dəniz pişikləri” hərbi peşəkarlığı, reaksiya qabiliyyəti yüksək, ağır təlim-tərbiyə metodları ilə seçilən, xüsusi fiziki və zehni qabiliyyəti olan döyüşçülərdən təşkil olunub.
TİA.AZ xəbər verir ki, Azərbaycan Respublikası Hərbi Dəniz Qüvvələrinin tərkibində fəaliyyət göstərən əsasən dənizdə, quruda, sahilyanı ərazilərdə, sualtında xüsusi əməliyyat fəaliyyəti göstərmək bacarığına malik olan Dəniz Piyadaları SAH-SAM dəniz xüsusi təyinatlıları Vətən Müharibəsində aktiv iştirak edib.
İTV-nin hazırladığı və “Görünməyən qəhrəmanlar” sənədli filminin növbəti iştirakçıları “Dəniz pişikləri” olub. Hərbçilər müharibə vaxtı gizli döyüş əməliyyatı ilə bağlı bəzi detalları açıqlayıblar.
