COVID pasportunuz yoxdursa, toyda cərimələnə bilərsiniz? – AÇIQLAMAbackend

COVID pasportunuz yoxdursa, toyda cərimələnə bilərsiniz? – AÇIQLAMA

  • whatsapp
  • messenger
  • telegram
  • vkontakte
  • odnoklassniki

Xəbər verdiyimiz kimi, iyulun 1-dən ölkəmizdə toylara icazə veriləcək. Toyların şərtləri belədir ki, 50 nəfərlə toy edirsinizsə, sizdən COVİD pasportu tələb olunmayacaq. Eyni zamanda, 50 nəfərlik toylarda maska zərurəti yoxdur. 150 nəfərlik toylarda isə həm maska, həm də COVİD pasportu tələbi olacaq. Masa kənarında oturan zaman maskadan istifadə olunmaya bilər. Bəs restoranlarda pasportun yoxlanması necə tənzimlənəcək?

Məsələ ilə bağlı  açıqlama verən Bakı şəhər BPİ Mətbuat Xidmətinin rəisi Elşad Hacıyev bildirib ki, qərara görə, “Operativ Qərargahın verdiyi qaydalara əməl etməyənlər cərimələnəcək:

“Restoranlarda yoxlama prosesinə restoran inzibatçıları, toy sahibləri nəzarət edəcək. Polis, Daxili İşlər Nazirliyi, Dövlət Vergi Xidməti və Qida Təhlükəsizliyi Agentliyinin birgə yaratdığı monitorinq qrupları yoxlama aparacaqlar. Bu proses icazə verilən restoranlarda toya 5 gün qalmışdan tənzimlənməyə başlanılacaq. Yoxlanma zamanı Nazirlər Kabineti yanında Operativ Qərargahın qoyduğu qaydalara əməl etməyənlər cərimələnəcəklər”.