Tribuna İnformasiya Agentliyi

Coşqun ölüm xəbərini yayanlara cavab verdi

07 Dekabr

Əməkdar artist Coşqun Rəhimovun ölüm xəbəri yayılıb.

TİA.AZ  axşam.az-a istinadən bildirir ki, uzun müddətdir xərçəngdən əziyyət çəkən aktyorun qəfil halı pisləşdiyi, xəstəxanaya yerləşdirildiyi və orada dünyasını dəyişdiyi qeyd edilib.

Rəhimov bunla bağlı şayiələrə sosial şəbəkədə cavab verib. O, səhhətinin yaxşı olduğunu, konsertə hazırlaşdığını bildirib:

“Gördüyünüz kimi, sağ və salamatam. Hər şey öz qaydasında, yolundadır. Növbəti konsertə hazırlaşıram. Yazılanlara uymayın. Bilmirəm bu, nə bəladır. Sağlamlığımda hər şey yaxşıdır. Dualarınızı əskik etməyin. Sağlam günlərdə görüşəyin.

Tiflisdə növbəti konsertimizdir. Amma bu, elə bil ənənəyə çevrilib. Bizim hər konsertdən qabaq Coşqunla bağlı kimsə şayiələr yayır”.