access_time Dərc olunub: 14:56
Yeni ildə EVDƏN ÇIXMAYIN!

Yeni ildə bir neçə gün iş olmayacaq. Bundan istifadə edən paytaxt sakinləri istirahət üçün bölgələrə üz tutmaq planları qurur. 


Biz də Bakı sakinlərinin hara gedə biləcəyini araşdırmağa çalışdıq. Və belə nəticəyə gəldik ki, paytaxtın əksər sakini evinin pəncərəsindən şəhəri seyr etsə, daha yaxşıdır. Çünki qiymətlər harasa istirahətə getməyə heç də münasib deyil.

Publika.az-a açıqlamasında Azərbaycan Turizm Assosiasiyası sədrinin müavini Müzəffər Ağakərimov da bu fikirdədir.

“Yeni il bayramı ərəfəsində bir neçə günlük qış tətilini keçirmək üçün yerli turistlər əsasən Azərbycanın bölgələrinə üstünlük verir”, - deyən ekspertin sözlərinə görə, artıq otellərdə yerlər dolub, yerli əhali üstünlük təşkil edir. Bunun əsas səbəblərindən biri digər ölkələrdək təhlükəsizliyin şübhə altında olmasıdır: “Heç kim bir neçə günlük tətil üçün ailəsini və özünü həyatını təhlükəyə atmaq istəmir. Bu da əslində daxili turizmin inkişafı üçün müsbət haldır”.

Lakin M.Ağakərimov hesab edir ki, gələn turistləri qoruyub saxlamaq və xarici turistlərin sayını artıqmaq üçün qiymət siyasəti dəyişməlidir: “Bu gün qış turizmi üçün əlverişsiz bölgələrdə otel qiymətləri ucuzdur. Lakin indi qış turizmi üçün aktual olan bölgələr - Şamaxı, Qəbələ, Qusar, Şəki, Qax, Qubadır. Bu bölgələrdə bir nəfərin bir günlük otel qiyməti minimum 80-90 manat civarındadır. Bir nəfərin 3-4 günlük istirhəti 700-800 manat civarında dəyişir. Hesab edirəm ki, qiymətlər bahadır. Çünki qiymət siyasəti düzgün qurulmayıb. Qiymət maya dəyəri və onun əlavə xərclərinə əsasən hesablanır. Lakin bu gün bizdə maya dəyəri 300-400 faiz artıq qiymət müəyyən edirlər. Bu sahibkar və menecmentlərə Marksın “Kapital” əsərini bir də oxumağı tövsiyə edirəm”.

Ekspert hesab edir ki, regionlarda və Bakıda 1-2 ulduzlu otellər, hostellər inşa edilməyənə qədər qiymət məsələsi hər zaman gündəmdə olacaq: “Çünki 1-2 ulduzlu otellər yaradılandan sonra bazarda rəqabət artacaq nəticədə insanlar nisbətən ucuz otellərə üz tutacaq. 4-5 ulduzlu otellər məcbur qalıb endirim edəcək, əks halda onlar boş qalacaq. Hələ ki, onlar yoxdur, ona görə də qiymətlər belə bahadır. Turist cəlb etməyin digər yolu da yaxşı xidmətdən keçir. Hansı oteldə xidmət səviyyəsi yaxşı qurulub, idarəçilik düzgün aparılır o otellərdən müştərilər razı qalır. İstirahətçün qiymətlər baha olsa da, otellərdə yerlər dolub. Düzdür, əsasən yerli tursitlər üstünlük təşkil edir, ərəb ölkələrindən gələnlər də var. Aztəminatlı insanlar istirahət üçün Quba, Qusar zonasını seçə bilərlər. Əgər istirahət üçün qiymətlər bahadırsa, ən yaxşısı evdə oturmaqdır”.

Gülxar

Şərhlər

instagram takipci hilesi instagram takipci bayiliği istanbul escort