Rusiyanın Ukraynaya müdaxiləsinə görə Avropa İttifaqının tətbiq etdiyi sanksiyalar Rusiyanın demək olar ki, bütün mülki aviasiyasını dayandıra bilər.
TİA.AZ Unian-a istinadla xəbər verir ki, bu barədə Avianews.com xəbər verir.
Avropa Komissiyasının rəhbəri Ursula fon der Leyenin sözlərinə görə, sanksiyaların birinci paketi Rusiya aviaşirkətlərinə Qərb istehsalı olan təyyarələrin, onların ehtiyat hissələrinin və digər avadanlıqların satışını qadağan edir.
Yaxın aylarda belə bir tədbir Rusiya mülki aviasiyasının tam deqradasiyasına gətirib çıxarmalıdır.
