Koronavirus epidemiyasının tamamilə nəzarət altına alındığı Norveçdə məhdudiyyətlər aradan qaldırılıb.
Bu barədə ölkənin Səhiyyə Nazirliyi məlumat verib. Məlumata görə, 562 gündür tətbiq olunan sərt tədbirlər dünəndən etibarən sona çatsa da, hava limanlarında və təyyarələrdə maska taxmaq məcburiyyəti və PCR testi kimi qaydalar öz qüvvəsində qalır.
Qeyd edək ki, ölkədə peyvəndlənmə 83.8%-ə çatıb. Norveçdə bu günə kimi COVİD-19 səbəbiylə həyatını itirənlərin sayı 850 nəfər olub.
