“Bravo”dan yarım ildə 311 milyon manatdan çox gəlirbackend

“Bravo”dan yarım ildə 311 milyon manatdan çox gəlir

  • whatsapp
  • messenger
  • telegram
  • vkontakte
  • odnoklassniki

“Bravo” şəbəkəsini idarə edən “Azərbaycan Supermarket” MMC şirkəti 2022-ci ilin birinci yarısı (yanvar-iyun) üzrə maliyyə göstəricilərini açıqlayıb.

Marja.az xəbər verir ki, cari ilin ilk 6 ayında “Azərbaycan Supermarket” şirkətinin cəmi gəlirləri 311 milyon 124 min manat, cəmi xərcləri 347 milyon 257 min manat təşkil edib (Cəmi xərcləri cəmi gəlirlərini 36 milyon 133 min manat üstələyib).

“Azərbaycan Supermarket” MMC təsisçilərindən 437 milyon 506 min manat maliyyə alıb.

30 İyun 2022-ci il tarixində “Azərbaycan Supermarket” şirkəti 4617 işçiyə malik olub.

Xatırladaq ki, 2020-ci illə müqayisədə 2021-ci ildə şirkətin cəmi gəlirləri 59 milyon 774 min manat və ya 11,6% artaraq 572 milyon 690 min manata çatmışdı. 2020-ci ildə “Azərbaycan Supermarket”in cəmi gəlirləri 512 milyon 916 min manat təşkil etmişdi. Ötən il “Azərbaycan Supermarket”in 572 milyon 690 min manat cəmi gəlirlərə qarşı cəmi xərcləri 637 milyon 696  min manat təşkil etdiyindən, MMC-nin xərcləri gəlirlərini 65 milyon 6 min manat üstələmişdi.

“Azərbaycan Supermarket” MMC-nin payçıları “İdeal Biznes Ko.” MMC (500 pay), “Yevro Standard” MMC (500 pay) və “Fly Group” MMC (1000 pay) şirkətləridir.