Tribuna İnformasiya Agentliyi

BMT maliyyə problemləri ilə üzləşib

28 İyul

ABŞ daxil olmaqla BMT-yə üzv 81 ölkə üzvlük haqlarının büdcəyə ödənişini gecikdirir.

APA-nın xəbərinə görə, bu barədə BMT-nin yaydığı açıqlamada deyilir.

Məlumata əsasən, hazırda 112 ölkə tam həcmdə üzvlük haqqını ödəsə də, 81 ölkə hələlik bunu etməyib. Borclular sırasında ABŞ, Misir, İran, Belarus, Səudiyyə Ərəbistanı, Tacikistan kimi ölkələrin adları çəkilir. Ümumilikdə, BMT-nin büdcəsinə 810 milyon ABŞ dollarının ödənişi ləngidilir.

“Birləşmiş Millətlər Təşkilatı ilk dəfədir ki üzvlük haqları ilə bağlı belə çətin vəziyyətlə üzləşir”, – açıqlamada vurğulanıb.