Ötən gün Azərbaycanda baş vermiş yol qəzalarında 7 nəfər vəfat edib.
TİA.AZ xəbər verir ki, sutka ərzində respublika yollarında 7 ağır yol-nəqliyyat hadisəsi baş verib. Nəticədə dünyasını dəyişmiş 7 nəfərdən başqa 2 nəfər ağır xəsarətlərlə xəstəxanaya yerləşdirilib.
Qeyd edək ki, ötən gün Bakının Binəqədi rayonunda “Toyota Prius”un ağırtonnajlı təsərrüfat maşınına çırpılması və Göyçayda minik avtomobilinin aşması hadisələrinin hər birində 2 nəfər ölüb.
