Tribuna İnformasiya Agentliyi

Baş nazir bu vəzifəni daşıyanların nişanlarını dəyişdi

25 İyul

Nazirlər Kabineti “Azərbaycan Respublikası Kənd Təsərrüfatı Nazirliyinin Baş Dövlət Texniki Nəzarət Müfəttişliyinin işçilərinin xüsusi geyim forması, fərqlənmə nişanlarının təsvirləri və onların təchizatına dair Normalar”ın təsdiq edilməsi haqqında” qərarda dəyişiklik edib

TİA.AZ xəbər verir ki, normalara edilən dəyişikliyə görə, adında və 1-ci hissəsində “Azərbaycan Respublikası Kənd Təsərrüfatı Nazirliyinin Baş Dövlət Texniki Nəzarət Müfəttişliyinin” sözləri “Azərbaycan Respublikasının Kənd Təsərrüfatı Nazirliyi yanında Baş Dövlət Texniki Nəzarət Xidmətinin” sözləri ilə əvəz edilib.

Qərara aşağıdakı məzmunda 3-cü hissə əlavə edilib: Azərbaycan Respublikasının Kənd Təsərrüfatı Nazirliyinə tapşırılsın ki, Azərbaycan Respublikasının Maliyyə Nazirliyi ilə razılaşdırılmış formaya uyğun olaraq, bu qərarla təsdiq edilmiş normalar üzrə təminatın cari il dekabrın 31-i vəziyyətinə dair hesabatı növbəti il fevralın 15-dək Azərbaycan Respublikasının Maliyyə Nazirliyinə təqdim etsin.

Yeni normalara görə isə “müfəttişlik” sözü “xidmət” sözü ilə əvəz olunub və bu vəzifəni daşıyanların nişanları da yenilənib.