Tribuna İnformasiya Agentliyi

Baş katib İlqar Məmmədovun azad olunmasını alqışladı

13 Avqust
Avropa Şurasının baş katibi Torbyorn Yaqland REAL hərəkatının sədri İlqar Məmmədovun azad olunması ilə bağlı qərarı alqışlayıb.
TİA.AZ  unikal.org-a istinadən xəbər verir ki, bu barədə Avropa Şurası baş katibinin bəyanatında bildirilib.
“Azərbaycanda Şəki Apellyasiya Məhkəməsinin beş ildən çox həbsdə olan İlqar Məmmədovun azadlığa buraxılması barədə qərar qəbul etməsini alqışlamaq lazımdır”, – T.Yaqlandın bəyanatında deyilir.
Qeyd edək ki, bu gün Şəki Apellyasiya Məhkəməsində hakim Gündüz Abbasovun sədrliyi ilə REAL hərəkatının həbsdə olan sədri İlqar Məmmədov barəsində olan hökmdən verilən apellyasiya şikayəti üzrə məhkəmə iclası keçirilib.
Prosesdə İ.Məmmədovun azadlığa buraxılması barədə qərar qəbul edilib. Qərara əsasən, onun cəzasının çəkilməmiş hissəsi şərti cəza ilə əvəz edilib.