Tribuna İnformasiya Agentliyi

Bakıda tıxaca görə maşınlar saatda 6 km sürətlə hərəkət edir

05 Oktyabr

Hazırda paytaxtın bir sıra küçə və prospektlərində tıxac var.

Trend-in məlumatına görə, bu dəqiqələrdə Moskva prospektindən mərkəzə doğru nəqliyyat sıxlığı səbəbindən maşınlar saatda 6 km sürətlə hərəkət edir.

O cümlədən Tbilisi prospekti – Şəfayət Mehdiyev ilə kəsişməsi istiqamətində, Azadlıq prospekti – Karl Marks dairəsi istiqamətində, Səməd Vurğun küçəsi – Zorge parkı istiqamətində, Afiyəddin Cəlilov – Yusif Səfərov ilə kəsişməsi istiqamətində sıxlıq müşahidə edilir.

Yollardakı sıxlıq və tıxac səbəbindən avtobusların təyin olunmuş interval üzrə hərəkətində də ləngimələr qeydə alınır.