Tribuna İnformasiya Agentliyi

Bakıda tanınmış iş adamının oğlu qəfildən ölüb

01 Dekabr

Bakıda tanınmış iş adamının gənc oğlu qəfildən dünyasını dəyişib. 

Bakıda tanınmış iş adamının gənc oğlu qəfildən dünyasını dəyişib.

TİA.AZ Report“a istinadən xəbər verir ki, hadisə Sabunçu rayonu Bakıxanov qəsəbəsində körpünün üzərində qeydə alınıb.

Belə ki, 20 yaşlı Əliyev Asim Nəriman oğlu qardaşı Şəhriyar Əliyev ilə birlikdə 10 SL 222 dövlət qeydiyyat nişanlı “Mercedes” markalı avtomobillə hərəkət edərkən qəfildən halı pisləşib. A.Əliyev hava almaq üçün qardaşından avtomobili saxlamasını xahiş edib. O, körpünün üzərində dayanarkən qəfildən yıxılıb. Ş.Əliyev qardaşını xəstəxanaya çatdırıb. Lakin onun həyatını xilas etmək mümkün olmayıb. Həkimlərin dediyinə görə o, infarkt keçirib.

Qeyd edək ki, A.Əliyev “Qarabağ Broyler MMC”-nin və “Şəhriyar” şadlıq sarayının sahibi Nəriman Əliyevin oğludur. Dekabrın 10-da A.Əliyevin toy məclisi olacaqmış. Onun nişanlısı yüksək vəzifəli polis əməkdaşının qızıdır.

Onu da əlavə edək ki, Nəriman Əliyev narkotik alveri və odlu silah saxlamaqda təqsirləndirilir və onun məhkəmə prosesi Bakı Ağır Cinayətlər məhkəməsində davam edir.