Mayın 8-i, gecə saatlarında tanınmış jurnalist Aytən Məmmədovaya hücum edilib.
Bu barədə jurnalist Aygün Elgünəş məlumat paylaşıb:
“Az əvvəl Aytən Məmmədovaya yaşadığı binanın blokunda hücum edilib. Onun arxasınca liftə girən bir nəfər bıçağı boğazına dirəyib və adını çəkmədiyi məhkəmə işinə görə hədələyib, yazmamasını istəyib.
DİN-in 102 xidmətinə məlumat verilib.
“Aytənin ən çox ictimailəşdirdiyi iş İlkin Süleymanovla bağlı məhkəmə işidir. Güman edirik ki, buna görə hədələnib”.
Jurnalistin boğazında xəsarət izi də qalıb. Daxili İşlər Nazirliyi tərəfindən hadisə ilə bağlı araşdırma aparılır, jurnalistdən izahat alınıb.
