Xəbər verdiyimiz kimi, bu gündən Milli Kitab Sərgisinin açılışı olub.
Bakı idman sarayında (keçmiş əl oyunları sarayı) keçirilən sərgi 10 gün davam edəcək və 50 000-dən çox azərbaycan, rus, ingilis, türkcə kitablar 70%-ə qədər endirimlərlə satılacaq.
Sərgidə Azərbaycanın tanınmış yazıçıları, şairləri, millət vəkilləri, eləcə də bir sıra ali məktəbin rəhbərləri, o cümlədən Azərbaycan İqtisad Universitetinin rektoru Ədalət Muradov iştirak edib.
TİA.AZ xəbər verir ki, tədbirin təşkilatçısı “Qanun” Nəşrlər Evinin rəhbəri Şahbaz Xuduoğlu hər kəsi bu sərgiyə qatılmağa dəvət edib:
“Kitablarımızı cəmiyyətə təqdim etmək üçün hər zaman yer qıtlığı olurdu. Cəmiyyət kitablardan xəbərsizdir. Ona görə yox ki, onlar oxumaq istəmirlər. Sadəcə olaraq, bilmirlər hansı kitablar nəşr olub, hansılar isə yox. Ona görə bu yarmarkanı təşkil etdik ki, gəlib bu kitabları görsünlər. Bu yalnız kitab sərgisi deyil. Həm də mədəniyyətə, incəsənətə diqqətdir”.
Daha ətraflı videomaterialda:
