Azyaşlı uşaqları ilə özünü 4-cü mərtəbədən atan qadın həbs edildibackend

Azyaşlı uşaqları ilə özünü 4-cü mərtəbədən atan qadın həbs edildi

  • whatsapp
  • messenger
  • telegram
  • vkontakte
  • odnoklassniki
Yasamal rayon Məhkəməsində iki uşağı ilə birlikdə özünü 4-cü mərtəbədən atararaq intihara cəhd edən 1991-ci il təvəllüdlü Nigar Cəfərova barəsində həbs qətimkan tədbirinin seçilməsi ilə bağlı istintaq orqanının təqdimatına baxılıb.
TİA.AZ xəbər verir ki, keçirilən prosesdə təqdimat təmin edilib. Qərara əsasən, N. Cəfərova barəsində həbs qətimkan tədbiri seçilib.
Qeyd edək ki, ötən il dekabrın 20-də Yasamal rayonunda Nigar Cəfərova azyaşlı övladları 2017-ci il təvəllüdlü Hüseyn Cəfərov və 2019-cu il təvəllüdlü Oktay Cəfərovu yaşadıqları binanın 4-cü mərtəbəsində olan mənzilin yataq otağındakı pəncərədən qısa zaman ardıcıllığı ilə yerə atıb, daha sonra isə özünü də həmin yerdən atıb.
Nigar Cəfərova və övladları hadisə yerinə gələn şəxslər tərəfindən xəstəxanaya aparılaraq həkimlərin müdaxiləsi nəticəsində sağ qalıblar.
Faktla bağlı Yasamal rayon prokurorluğunda Cinayət Məcəlləsinin 29, 120.2.7-ci (iki və ya daha çox şəxsi qəsdən öldürməyə cəhd) və 29, 120.2.9-cu (təqsirkar şəxs üçün aşkar surətdə köməksiz vəziyyətdə olan adamı qəsdən öldürməyə cəhd) maddələri ilə cinayət işi başlanıb.