Azərbaycan Respublikasında koronavirus (COVID-19) infeksiyasına 7 yeni yoluxma faktı qeydə alınıb, 10 nəfər müalicə olunaraq sağalıb.
Nazirlər Kabineti yanında Operativ Qərargahdan TİA.az-a verilən məlumata görə, COVID-19 üçün götürülən analiz nümunələri müsbət çıxmış şəxslər arasında vəfat edən olmayıb.
Vurulan vaksinlərin ümumi sayı 13 743 509, birinci mərhələ üzrə vaksinasiya olunanların ümumi sayı 5 350 763, ikinci mərhələ üzrə vaksinasiya olunanların sayı 4 850 905, üç və daha çox doza üzrə vaksinasiya olunanların sayı 3 294 460, pozitiv nəticədən sonra buster doza üzrə vaksinasiya olunanların sayı isə 247 381 nəfər təşkil edir.
