Azərbaycanda keçmiş bələdiyyə sədri şəhid bacısını məhkəməyə verdibackend

Azərbaycanda keçmiş bələdiyyə sədri şəhid bacısını məhkəməyə verdi

  • whatsapp
  • messenger
  • telegram
  • vkontakte
  • odnoklassniki
Yevlax rayon Qoyunbinəsi kəndinin sakini, şəhid Bəşirov Samir Baloğlan oğlunun bacısı Əsgərova Səbinə Baloğlan qızı məhkəməyə verilib. 
TİA.AZ  Oxu.Az-a istinadən xəbər verir ki, o, Cinayət Məcəlləsinin 147-ci (böhtan, yəni yalan olduğunu bilə-bilə hər hansı şəxsin şərəf və ləyaqətini ləkələyən və ya onu nüfuzdan salan məlumatları kütləvi çıxışlarda, kütləvi nümayiş etdirilən əsərdə, kütləvi informasiya vasitəsində və ya kütləvi nümayiş etdirildiyi halda internet informasiya ehtiyatında yayma) maddəsi ilə ittiham edilir.
İşə Yevlax Rayon Məhkəməsində hakim Günay Cavadovanın sədrliyi ilə baxılacaq.
Qeyd edək ki, bu ilin fevral ayında S.Əsgərova KİV vasitəsilə Qoyunbinəsi kəndinin keçmiş bələdiyyə sədri Məmmədov Qabil Süleyman oğlunun onlara məxsus beş hektar torpağı müsadirə etdiyini iddia etmişdi. Bundan sonra Q.Məmmədov ona böhtan atıldığını deyərək, məhkəməyə müraciət edib.