Azərbaycanda 17 kollec publik hüquqi şəxs statusu alıbbackend

Azərbaycanda 17 kollec publik hüquqi şəxs statusu alıb

  • whatsapp
  • messenger
  • telegram
  • vkontakte
  • odnoklassniki

“Publik hüquqi şəxslər haqqında” qanununa əsasən orta ixtisas təhsili müəssisələrinin publik hüquqi şəxslərə çevrilmə şəklində yenidən təşkili nəzərdə tutulub.

TİA.AZ xəbər verir ki, ötən müddət ərzində Nazirlər Kabinetinin Qərarı ilə Təhsil Nazirliyinin tabeliyində olan 35 orta ixtisas təhsili müəssisəsindən 9-u publik hüquqi şəxs statusuna malik olan kollecə çevrilmə yolu ilə yenidən təşkil edilib.

Təhsil Nazirliyinin tabeliyində fəaliyyət göstərən digər 17 orta ixtisas təhsili müəssisəsinin (Ağcabədi Pedaqoji Kolleci, Ağdam Dövlət Sosial-İqtisadi Kolleci, Ağdam Musiqi Kolleci, Ağdaş Dövlət Humanitar Kolleci, Astara Pedaqoji Kolleci, Bərdə Dövlət İdarəetmə və Texnologiya Kolleci, Göyçay Dövlət İdarəetmə və Texnologiya Kolleci, İsmayıllı Dövlət Humanitar və Texnologiya Kolleci, Qazax Dövlət Sosial-İqtisadi Kolleci, Quba Dövlət Sosial-İqtisadi Kolleci, Masallı Dövlət Regional Kolleci, Sabirabad Dövlət Sosial-İqtisadi Kolleci, Şamaxı Dövlət Regional Kolleci, Şirvan Dövlət İqtisadiyyat və Humanitar Kolleci, Şuşa Humanitar Kolleci, Tovuz Dövlət Sosial-İqtisadi Kolleci, Zaqatala Dövlət İdarəetmə və Texnologiya Kolleci) publik hüquqi şəxslərə çevrilmə şəklində yenidən təşkili ilə əlaqədar Nazirlər Kabinetinin qeyd olunan qərarı qəbul edilib.