Azərbaycan Dövlət Aqrar Universitetində 17 minlik rüşvət qalmaqalı – maliyyə rəisi ilə rektorun adı keçir…backend

Azərbaycan Dövlət Aqrar Universitetində 17 minlik rüşvət qalmaqalı – maliyyə rəisi ilə rektorun adı keçir…

  • whatsapp
  • messenger
  • telegram
  • vkontakte
  • odnoklassniki

Azərbaycan Dövlət Aqrar Universitetində “Kənd təsərrüfatı texnikası” kafedrasına müdir vəzifəsini tutmaq üçün müsabiqə elan edilib. TİA.Az xəbər verir ki, seçki şərtləri də açıqlanıb.
Belə ki, kafedranın profilinə uyğun peşə-ixtisas hazırlığına, elmi ad və elmi dərəcələrə, ən azı 5 il elmi-pedaqoji təcrübəyə malik Azərbaycan vətəndaşları, həmçinin mövcud qanunvericiliyin tələbləri gözlənilməklə xarici ölkə vətəndaşları iştirak edə bilərlər.
Bu qaydalara uyğun olaraq həmin kafedranın professoru, texnika elmləri doktoru Qabil Məmmədov və “Yerüstü nəqliyyat vasitələri və texniki servis” kafedrası üzrə dosent Aydın İsayev müsabiqədə iştirak ediblər.
İddialara görə, reformist bir şəxs olduğuna görə rektorluq tərəfindən Q.Məmmədova qarşı qısqanclıq var. Ona görə hansısa elmi şuraların üzvü olmasına həmişə maneçilik törədilib. İkinci namizəd A.İsayev isə elmdən uzaq bir şəxs kimi tanınır. Onun əsas məşğuliyyəti ticarət olub. Məlumata görə, bazarlarda ayaqqabı satan kimi tanınır.
A.İsayev ekspert şurasında orta məktəb səviyyəsində olan elementar suallara cavab verə bilmədiyinə və işində olan nöqsanlara görə Ali Attestasiya Komissiyasının kollegiyasının 20.02.2007-ci il tarixli (protokol № 07-K) qərarı ilə ona texnika üzrə fəlsəfə doktoru elmi dərəcəsi verilməsindən imtina edilib. Lakin İsayevə məlum olmayan səbəbdən texnika üzrə fəlsəfə doktoru elmi dərəcəsi verilib.
Bildirilir ki, kafedranın 10.11.2021- ci tarixli iclasında professor Q.Məmmədov kafedra əməkdaşlarının müsbət səs çoxluğunu qazanıb. Lakin sonra iclas təşkil edən rektor İbrahim Cəfərov A.İsayevi təyin etdirib.
Bu haqda gundelik-baku.com yazıb ki, ortalıqda 17 000 manatlıq rüşvət alınması var. Sayt iddia edir ki, rüşvətin verilməsində A.İsayevin yaxın qohumu, Gəncə şəhər Maliyyə İdarəsinin rəisi Rəşid Yusifov iştirak edib.
Bu infomasiya ADAU-nun Mühəndislik fakültəsinin professor-müəllimi heyəti adından yayımlanıb. Yazıda adı keçən tərəflərin ittihamlarla bağlı mövqeyini işıqlandırmağa hazırıq.

TİA.Az