Tribuna İnformasiya Agentliyi

Azərbaycandakı stadionlar təbii örtüyə keçir

08 Dekabr

“Bakı Olimpiya Stadionunda yeni məşq meydanı açılacaq”.

“Report”un məlumatına görə, bunu Azərbaycan Futbol Federasiyaları Assosiasiyasının (AFFA) baş katibi Elxan Məmmədov qurumun İcraiyyə Komitəsinin iclasından sonra jurnalistlərə açıqlamasında deyib.

Bundan başqa, o bildirib ki, artıq “Sumqayıt” və “Zirə” futbol klublarına məxsus stadionlar təbii örtüyə keçib: “Növbəti mərhələdə hədəf “ASK Arena” və “Bayıl Arena”nın təbii örtüyə keçməsi olacaq. “Biz özümüzü İngiltərə ilə yox, Avstriya ilə müqayisə etməliyik. Çünki əhali sayı da bizimlə eynidir, futbolçu sayı da”.