Tribuna İnformasiya Agentliyi

Azərbaycan XİN təsdiqlədi: Merkel Bakıya gəlir

13 Avqust
Almaniya kansleri Angela Merkel avqustun 25-də Bakıya səfər edəcək.
Qaynarinfo xəbər verir ki, bu barədə Rusiyanın “Kommersant” qəzetinə Azərbaycan XİN-nin mətbuat katibi Hikmət Hacıyev bildirib.
“Ölkələrimiz arasında dostluq və qarşılıqlı anlaşmaya əsaslanan münasibətlər mövcuddur, – deyə o bildirib. – Ümid edirəm, bu səfər onların gələcək inkişafına təkan verəcək”.
Qeyd edək ki, iyulda “Sputnik Armeniya” agentliyi Angela Merkelin Tbilisi, Yerevan və Bakıya səfərinə hazırlıq barədə xəbər yaymışdı.
“Kansler avqustun 23-də Tbilisi, 24-də Yerevan, 25-də Bakıda olacaq”, – deyə o zaman adının çəkilməsini istəməyən mənbə bildirmişdi.