AVRO-2020: İtaliya 4-cü dəfə finala yüksəlibbackend

AVRO-2020: İtaliya 4-cü dəfə finala yüksəlib

  • whatsapp
  • messenger
  • telegram
  • vkontakte
  • odnoklassniki

AVRO-2020-də yarımfinal mərhələsinə start verilib.

TİA.AZ-ın məlumatına görə, raundun birinci günündə bir oyun keçirilib.

La Liqada oyunlara azarkeşlərin buraxılmasına icazə verilib AVRO-2020: Bakıda oynayacaq 1/4 final cütü bəlli olub AVRO-2020: Azarkeş huşunu itirib İlk finalçı İtaliya və İspaniya millilərinin görüşündə bəlli olub. AVRO-2012-nin finalçıları arasında qarşılaşma İngiltərənin paytaxtı Londondakı “Uembli” stadionunda baş tutub.

Qarşılıqlı hücumlarla keçən birinci hissədə qapılara qol vurulmayıb. İlk yarıda ümumilikdə ispanlar daha fəal nəzərə çarpıblar. Buna baxmayaraq, qarşılaşmada hesabı açan tərəf İtaliya olub. Bir saatın tamamında ani əks-hücum zamanı Federiko Kyeza əlinə düşən fürsəti qaçırmayıb. Ancaq sona 10 dəqiqə qalmış qapıçı ilə təkbətək dueldən qalib ayrılan Alvaro Morata status-kvonu bərpa edib. Qalan dəqiqələrdə bərabərlik dəyişmədiyindən, əlavə yarım saatlıq mübarizəyə ehtiyac duyulub.

Maraqlıdır ki, bu, ispanların turnirdə 120 dəqiqə çıxış etdikləri ardıcıl 3-cü oyun olub. Əlavə yarım saatda isə komandalar daha çox ehtiyatlı oyuna üstünlük verdiklərindən, qələbə topunu vurmaq mümkün olmayıb. Nəticədə finalçını müəyyənləşdirmək üçün penaltilər seriyasına ehtiyac duyulub. 1/4 finalda məhz penaltilər seriyası ilə İsveçrəni üstələyən Luis Enrikenin kollektivi bu dəfə məğlubiyyətə üzülüb.

Bununla İtaliya 9 ildən sonra ilk, ümumilikdə isə 4-cü dəfə Avropa çempionatının finalında iştirak hüququna yiyələnib. Skuadra Adzurra həlledici qarşılaşmaya iyulun 11-də çıxacaq. Rəqib isə yarımfinalın digər cütlüyü İngiltərə – Danimarka (7 iyul) görüşünün qalibi olacaq.

AVRO-2020

Yarımfinal

6 iyul

23:00. İtaliya – İspaniya – 1:1, pen. 4:2

Qollar: Federiko Kyeza, 60 – Alvaro Morata, 80

Baş hakim: Feliks Brix (Almaniya)

London. “Uembli” stadion