Tribuna İnformasiya Agentliyi

“Atena” şirkətinin məhsulundan parazit çıxdı – Fotofakt

08 Oktyabr

Bakıda fəaliyyət göstərən məşhur şirkətin məhsulundan parazitlər çıxıb.

Minval.info xəbər verir ki, paytaxt sakini Murad Abdullayev bu barədə məlumat verib. O bildirib ki, nahar vaxtı “Atena” firmasına məxsus ayran alıb. Amma ayranı içdikdən sonra gördükləri onu təəccübləndirib:

“İçdikdən sonra sürprizlə qarşılaşdım. Gördüm ki, dibində parazitlər var”.

M.Abdullayev insanlardan bu firmanın məhsullarını almamağı xahiş edib: “Çalışın məlumatı yayın, bu biabırçılıqdan hamının xəbəri olsun”.

Şirkətin rəsmi saytında göstərilən teefon nömrəsi ilə əlaqə saxlamağa çalışsaq da cəhdlərimiz boşa çıxdı.