Nəsimi rayonunda 20 Yanvar facəsinin otuzuncu ildönümünə həsr olunmuş tədbir keçirilib.
TİA.AZ-ın verdiyi xəbərə görə, Nəsimi Rayon İcra Hakimiyyəti tərəfindən rayonun ali və orta təhsil müəssisələrində, idarə və təşkilatlarında anım tədbirləri təşkil olunur. Orta məktəblərin foyelərində Qanlı Yanvar faciəsinin otuzuncu ildönümü ilə əlaqədar foto stendlər düzəldilib, anım mərasimləri, yığıncaqlar, toplantılar, inşa yazıları, rəsm, şer müsabiqələri keçirilir, divar qəzetləri buraxılır.
Rayonun idarə və təşkilatlarının kollektivlərinin, orta və ali təhsil müəssisələrinin şagird və tələbələrinin “Şəhidlər Xiyabanı”na ziyarəti təşkil olunur.
İctimai təşkilatların nümayəndələrinin iştirakı ilə rayonda yaşayan 20 Yanvar şəhidlərinin ailələri və faciə zamanı əlil olmuş sakinlərlə İcra Hakimiyyətində görüş keçirilib.
Tədbirdə çıxış edən Nəsimi rayon İcra Hakimiyyətinin Başçısı Asif Əsgərov qeyd edib ki, 20 Yanvar hadisəsi xalqımızın tarixinə həkk olunmuş ən qanlı faciələrdəndir. O bildirib ki, həmin zaman yalnız Heydər Əliyev SSRİ rəhbərliyinin törətdiyi bu cinayəti qətiyyətlə ittiham edərək bəyanatla çıxış edib: “Bu faciəyə ilk hüquqi qiyməti Ulu öndər Heydər Əliyev verib”.
A.Əsgərov şəhid ailələri və 20 Yanvar əlillərinin məişət qayğıları və problemləri ilə maraqlanıb, bir sıra sualların həlli ilə bağlı müvafiq tapşırıqlar verib.
Görüşdə “20 Yanvar” respublika təşkilatının sədri Sultan Əzimzadə və digərləri çıxış edərək şəhid ailələri və əlillər adından onlara olan diqqət və qayğıya görə ölkə başçısı İlham Əliyevə öz minnətdarlıqlarını bildiriblər.
Tədbirin sonunda 20 yanvar faciəsi şəhid ailələri və əlillərinə yardımlar göstərilib.