Tribuna İnformasiya Agentliyi

ABŞ yeni Soyuq müharibəyə başlayır – Senator açıqladı

14 İyul

Rusiyanın ABŞ-da seçkilərə müdaxilə ilə bağlı yeni ittihamları Soyuq müharibənin davam etdirilməsi planının bir hissəsidir.

Axar.az xəbər verir ki, bu sözləri rusiyalı senator Aleksey Puşkov deyib.

“Bax budur, artıq Senatda azlığın lideri Çarlz Şumer Trampa çağırış edərək, yeni ittihamlardan dolayı Putinlə görüşü ləğv etməyə çağırır. İndi qorxulu hay-küy salacaqlar. Hər şey düşünülüb, hər şey hazırlanıb, hər şey plan üzrə gedir”, – deyə senator bildirib.

Qeyd edək ki, ABŞ Federal Məhkəməsi 12 rus agentinin ABŞ-da seçkilərə müdaxilə etdiyini və bunun nəticəsində Trampın prezident seçildiyini bəyan edib.