“Bu özbaşına və əsassız hərəkətlər Rusiyanın beynəlxalq öhdəliklərindən kənara çıxdığı bir başqa haldır. Almaniya, Polşa və İsveç ilə həmrəyik”.
TİA.AZ RİA Novosti-yə istinadla xəbər verir ki, bu sözləri ABŞ Dövlət katibi Antoni Blinken Moskvanın xarici diplomatları qovma qərarını şərh edərkən deyib. O, Rusiyanın bu qərarını qınadığını bildirib.
Xatırladaq ki, bundan əvvəl Rusiya Xarici İşlər Nazirliyi üç xarici diplomatın Aleksey Navalnını dəstəkləyən koordinasiya edilməmiş mitinqlərdə iştirak etdikləri üçün ölkədən qovulduğunu elan edib.
