Amerikalı səlahiyyətlilər İsrail ilə Fələstin arasındakı gərginliyin tezliklə azalacağına ümid edir. Azvision.az xəbər verir ki, bu barədə “Politico” nəşri yazıb.
Qeyd edilib ki, ABŞ-ın “pərdəarxası” müdaxiləsi münaqişənin inkişafına mane olub.
Məlumata görə, Ağ Ev səlahiyyətliləri İsrailin Baş naziri Binyamin Netanyahunu Qəzza zolağındakı hərbi əməliyyatları şiddətləndirməməyə çağırıblar. Bundan sonra İsrail lideri döyüş əməliyyatlarının bitməsinə bir neçə gün qaldığını söyləyib.
ABŞ, həmçinin Fələstin hərəkatı “HƏMAS” da daxil olmaqla münaqişə tərəfləri ilə Misir arasında danışıqlara töhfə verib. Nəşrin yazdığına əsasən, “HƏMAS” mövcud vəziyyətdən çıxış yolu axtarır. Münaqişənin bitməsi humanitar yardımın çatdırılması ilə bağlı atəşin qarşılıqlı dayandırılmasından başlayaraq mərhələlərlə ola bilər.
Xatırladaq ki, İsrail-Fələstin münaqişəsi may ayının əvvəllərində alovlanmağa başlayıb. Hər iki tərəfdən itkilər və dağıntılar var.
