Tribuna İnformasiya Agentliyi

ABŞ-ın Nəqliyyat Nazirliyi “Boeing 737 MAX” təyyarələrinin yoxlanılmasına başlayıb

18 Mart

ABŞ-ın Nəqliyyat Nazirliyi “Boeing 737 MAX” təyyarələrindən istifadənin təhlükəsizliyini yoxlamağa başlayıb.

Bu barədə “Report” “The Wall Street Journal”a istinadən xəbər verir.

Qurum mülki aviasiya orqanlarının təyyarələrə uçuş icazəsi verilməsi zamanı yol verilə biləcək mümkün pozuntularını araşdırmaq niyyətindədir.

Qeyd edək ki, “Boeing 737 MAX” təyyarəsi martın 10-da Efiopiyanın Bişoftu şəhəri yaxınlığında qəzaya uğrayıb.

Bir sıra ölkələr “Boeing 737 MAX” təyyarələri üçün hava məkanlarını bağlamağa qərar verib.