Tribuna İnformasiya Agentliyi

Əli Həsənov: “Azərbaycanda sosial şəbəkə istifadəçilərinin sayı 3 milyondan artıqdır”

07 May

“Azərbaycanda şəffaflığın artırılması islahatların mərkəzində dayanır. Ölkədə eketron xidmətlər genişləndirilir, korrupsiya faktlarının qarşısı alınır”.

“Report”un xəbərinə görə, bunu Bakıda keçirilən Avropa İttifaqı-Azərbaycan Parlament Əməkdaşlıq Komitəsinin XV iclasında Azərbaycan Prezidentinin ictimai-siyasi məsələlər üzrə köməkçisi Əli Həsənov deyib. Ə.Həsənov bildirib ki, ölkədə əhalinin 80 faizdən çoxu internet istifadəçisidir: “Sosial şəbəkə istifadəçilərinin sayı 3 milyondan artıqdır. “Az” domeni ilə qeydiyyatdan keçən saytların 20 mini keçib. 300-ə yaxın xəbər və analitik internet saytı var. İstənilən şəxs domen almaq media fəaliyyətinə başlaya bilər. Ölkədə media qanunvericiliyi ən liberal formada hazırlanıb”.